Olimpiya çempionları Hidayət Heydərov (73 kq) və Zelim Kotsoyev (100 kq) ilin yekunlarına əsasən, dünya reytinqində lider mövqelərini qorumağa yaxındırlar.
Bakıvaxtı.az idman.biz-ə xəbər verir ki, ənənəyə uyğun olaraq, mövsümün sonunda Beynəlxalq Cüdo Federasiyası hər çəki dərəcəsi üzrə yekun reytinq cədvəlini dərc edərək ən yaxşıları müəyyənləşdirir.
Reytinqlər Tokiodakı "Böyük Dəbilqə" yarışından sonra yenilənib, lakin yekun versiya ilin sonunda dərc olunacaq. Nəticədə Azərbaycanın ulduz cüdoçuları birinci yerdə qalacaqlar.
Hazırda Heydərovun 8004 xalı var və o, siyahlda ikinci olan Manuel Lombardonu (İtaliya, 4532) xeyli qabaqlayır.
Kotsoyevin xalı 7012-dir, növbəti pillədə qərarlaşan İliya Sulamanidzenin (Gürcüstan) isə 6090 xalı var.
