Suriya kürdləri Türkiyəyönlü yaraqlılarla mübarizədə İsraildən kömək istəyib.
İnterpress.az xəbər verir ki, bu barədə “İsrail Hayom” məlumat yayıb.
Suriyadakı kürd qruplaşmaları Əsəd rejiminin devrilməsindən sonra onların ərazilərini ələ keçirə bilən türkyönlü yaraqlılarla mübarizə aparmaq üçün yardım məqsədilə İsrailə üz tutub.
Qeyd edilir ki, İsrail iki dilemma qarşısındadır: Türkiyə ilə münasibətlərə bu cür müdaxilənin nəticələri və diplomatik həll yollarına üstünlük verən və hərbi əməliyyatların dayandırılmasını istəyən ABŞ-nin mövqeyi.
“Siz səmaya hökm edirsiniz, böyük dağı (Hermon) almaqdan çəkinmədiniz. Hamı sizdən qorxur, o cümlədən əl-Culani (Həyat Təhrir əş-Şamın rəhbəri). Türkiyə sizə qarşı, biz də sizin tərəfinizdəyik. Siz öz maraqlarınız üçün bizə kömək etməlisiniz”, – nəşr kürd komandirlərdən birinə istinadən yazır.
Tərəflər arasında dialoqun davam etdiyi, lakin İsrail tərəfinin hələlik bu məsələ ilə bağlı qəti qərar vermədiyi vurğulanır.
Xuraman Etibarlı
İnterpress.az
