Hindistanın gənc qrossmeysteri Qukeş Dommaraju 2024-cü ildə Sinqapurda keçirilən FİDE Dünya Şahmat Çempionatının finalında çinli rəqibi Dinq Liren üzərində 7,5-6,5 hesabı ilə qalib gələrək klassik şahmat üzrə şəksiz ən gənc dünya çempionu adını qazanıb.18 yaşlı Qukeş 14 oyunluq final seriyasının son oyununa Dinqlə bərabər xalla girib. Qarşılaşma sürətli şahmat taybreyklərinə doğru getdiyi görünsə də, Dinqin kritik səhvi Qukeşə çempionluğu qazandıran xalı gətirib.Qələbədən sonra göz yaşlarını saxlaya bilməyən Qukeş atasını qucaqlayaraq qələbəsini bayram edib. Hindistandakı azarkeşlər gənc şahmatçının qələbəsini coşqu ilə qeyd ediblər. Qukeş Vişvanatan Ananddan sonra Hindistanın şahmat üzrə ikinci dünya çempionu olub.Oyunsonrası mətbuat konfransında çıxış edən Qukeş əvvəlcə Dinqin səhvini anlamadığını, lakin bu anı həyatının ən yaxşı anı kimi qiymətləndirdiyini bildirib. Qukeş “Mən şahmata başladığım altı yaş yarımdan bu anı xəyal edirdim. Hər bir şahmatçı bu anı yaşamaq istəyir, lakin çox az adam buna nail olur. Hazırda arzumu yaşayıram” deyib.Mənbə: CNN International
