Tədqiqatçılar Günəşə bənzər 56 min ulduzu analiz edərək aşkar ediblər ki, superparlamalar düşündüyümüzdən daha tez-tez, hər yüz ildə bir dəfə baş verə bilər.
Maks Plank İnstitutunun tədqiqatçısı Valeri Vasilyev qeyd edir:
"Araşdırmalarımız göstərir ki, Günəşə bənzər ulduzlar superparlamalar yarada bilər."
Bu nəhəng partlayışlar ulduzun səthində toplanan maqnit sahələrinin kritik həddə çatması nəticəsində baş verir. Maqnit sahələri "partlayaraq" böyük radiasiya parlamaları və kütləvi koronall kütlə atılmalarına səbəb olur. Əgər bu cür atılmalar Yerə yönəlsə, planetin maqnit sahəsinə ciddi təsirlər göstərə bilər.
Superparlamaların təsiri müasir infrastruktur üçün fəlakətli ola bilər:
• Rabitə sistemlərinin dayanması,
• Elektrik enerjisinin genişmiqyaslı kəsintiləri,
• Yerin maqnit sahəsinə təsir göstərərək kosmos texnologiyalarının sıradan çıxması.
Alimlər qeyd edirlər ki, belə hadisələrin nəticələrini daha yaxşı öyrənmək və onların texnologiya və atmosferə təsirlərini azaltmaq üçün tədqiqatlar vacibdir.
Günəşdə baş verə biləcək nəhəng partlayışlar Yerdəki həyat üçün ciddi təhlükə yarada bilər. Bu səbəbdən, alimlər bu hadisələrin izlənməsi və qabaqlayıcı tədbirlərin görülməsinə xüsusi diqqət yetirirlər.
