AYNA tərəfindən marşrut şəbəkəsinin optimallaşdırılması işləri çərçivəsində yeni 20 nömrəli müntəzəm marşrut xətti təşkil edilib.
"Operativ Media" xəbər verir ki, 15 dekabr tarixindən fəaliyyətə başlayacaq marşrut xətti üzrə avtobuslar Qaraçuxur və Yeni Günəşli qəsəbələri, Mərkəzi Bank və Azərbaycan Tibb Universitetini əlaqələndirəcək.
Gediş haqqı 0.50 azn müəyyən olunub və nağdsız qaydada həyata keçiriləcək.
Eyni zamanda 4 sayda müntəzəm avtobus marşrutunun hərəkət sxemində dəyişiklik edilib.
35 nömrəli avtobusların hərəkəti Suraxanı rayonunun mərkəzinə;
44 nömrəli avtobusların hərəkəti Suraxanı rayonunun Elxan Həsənov küçəsinə;
88A nömrəli avtobusların hərəkəti "Bakı Ağ Şəhər"in Mərkəzi Bulvar küçəsinə;
120E nömrəli avtobusların hərəkəti isə Afiyəddin Cəlilov küçəsindən keçməklə təşkil edilib.
