“Gürcüstanın yeni prezidentinin inauqurasiyası dekabrın 29-da baş tutacaq, andiçmə mərasimindən sonra Salome xanım prezident postunu tutmayacaq. Onu prosesi sabotaj edərək gürcü xalqına bir daha xəyanət etməməyə çağırıram”.
Teleqraf.com xəbər verir ki, bunu Gürcüstan parlamentinin sədri Şalva Papuaşvili brifinqdə deyib.
Onun sözlərinə görə, Salome Zurabişvili konstitusiya, qanun və insan etikası normalarını aşıb.
Spiker prezidenti və administrasiyasını Gürcüstan qanunvericiliyinə tabe olmağa çağırırıb.
Xatırladaq ki, hazırda Gürcüstan parlamentində prezident seçkiləri üzrə səsvermə keçirilir. Hazırkı prezident S.Zurabişvili ötən gün vəzifəsini tərk etməyəcəyini açıqlayıb.
Müəllif: Cəmilə Babayeva
