Kriştiano Ronaldo əsas hədəfinə çatmaq yolunda daha bir addım atıb: ulduz futbolçu qollarının sayını artırıb.
Portuqaliyalı futbolçu Səudiyyə Ərəbistanı çempionatında növbəti dəfə qapıya yol tapıb. “Əl-Nəssr”in hücumçusu “Əl-İttihad”la keçirilən matçda komandasının yeganə qoluna imza atıb. Bununla da 39 yaşlı Ronaldo karyerası ərzində vurduğu qollarının sayını 916-ya çatdırıb.
Lakin bu qol “Əl-Nəssr”i məğlubiyyətdən xilas etməyib. “Əl-İttihad” 2:1 hesablı qələbə qazanıb. Qeyd edək ki, Ronaldo daha əvvəl hədəfinin 1000 qola çatmaq olduğunu bildirib.
