“Gərgin oyun olacağını bilirdik. Hər iki tərəfə xal lazım idi”.
İdman.biz xəbər verir ki, bunu “Şamaxı”nın baş məşqçisi Ayxan Abbasov Misli Premyer Liqasının XVII turunun “Səbail”lə oyunundan sonra keçirilən mətbuat konfransında deyib.
O, ev matçındakı xal itkisi barədə danışıb: “Hava şəraiti də oynamağa çətinlik yaradırdı. Belə vəziyyətdə oynamaq çətindir. Hər iki komandanı təbrik edirəm. Əsas odur ki, bu gün zədələr olmadı. Bizim üçün önəmli bir xaldır. Bu gün çox böyük itkilərimiz var. Fasiləyə qədər mübarizə aparacağıq. Gənc oyunçularımız çox şans qazanırlar. Qışdan sonra tam fərqli "Şamaxı" görəcəyik. Buna inanıram. Heyətimizi gücləndirəcək, sonadək mübarizə aparacağıq. Hamını səbirli olmağa çağırıram”.
Qeyd edək ki, “Şamaxı” ev oyununda qolsuz heç-heçə ilə kifayətlənib.
İdman.biz
