2004-cü il təvəllüd olduğu düşünülən Mukoko sən demə 2000-ci il təvəllüd imiş! Bunu onun atası olduğu düşünülən Cozef Mukoko Almaniya mətbuatına açıqlamasında deyib:
''Mən Yussufanın bioloji atası deyiləm. O mənim və həyat yoldaşım Marinin oğlu deyil. Heç də hər kəsin düşündüyü kimi 2004-cü ilin noyabrında doğulmayıb. Mən onun üçün saxta doğum şahədatnaməsi almışam. Əslində 2000-ci ildə doğulub və hazırda 24 yaşı var''.
Bu futbolçu bu mövsüm Liqa-1-də iştirak etdiyi 13 qarşılaşmada 2 qol, 2 məhsuldar ötürmə ilə fərqlənib. Mukoko hazırda rəsmi olaraq bundesliqa tarixinin qol vuran ən gənc futbolçusu statusundadı.
O, 2020/21-in 13-cü turunda ''Borussiya''nın heyətində ''Union'' ilə səfər oyununda 16 yaş 28 günlüyündə fərqlənmişdi. Yaşı onsuz da tez-tez müzakirə mövzusu olan forvardın bu açıqlamalar qarşısında nə deyəcəyi maraq doğurur.
ƏLİ
