Maykl Antonio arzuolunmaz vəziyyətə düşüb.
“Vest Hem”in hücumçusu avtomobil qəzası keçirib. Bu barədə İngiltərə klubunun mətbuat xidməti məlumat yayıb.
34 yaşlı futbolçu Londonun mərkəzi xəstəxanasına çatdırılıb. Qəza ağır olsa da, onun şüurlu və ünsiyyətdə olduğu bildirilir. Klub Antonio və onun yaxınlarının yanında olduğunu da xəbər verib.
34 yaşlı Maykl bu mövsüm premyer-liqada meydana çıxdığı 14 oyunda 1 qol vurub.
