Bu gün Azərbaycan Premyer Liqasında XVII tura yekun vurulacaq.
Msport.az xəbər verir ki, sonuncu matçda “Qarabağ” “Sumqayıt”ı sınağa çəkəcək.
Saat 19:00-da star götürəcək matçı Tural Qurbanov idarə edəcək. Ehtiyatda bir oyunu olan “köhlən atlar” hazırda 38 xalla ikinci, “gənclik şəhəri” təmsilçisi 19 xalla altıncı pillədə qərarlaşıb.
Azərbaycan Premyer Liqası
II dövrə, XVII tur
16 dekabr
19:00. “Qarabağ”– “Sumqayıt”
Hakimlər: Tural Qurbanov, Rəhman İmami, Asiman Əzizli, Əkbər Əhmədov
VAR: Kamal Umudlu
AVAR: Cəmil Quliyev
Hakim-inspektor: Babək Quliyev
AFFA nümayəndəsi: Zümrüd Ağayeva
Tofiq Bəhramov adına Respublika Stadionu
Qeyd edək ki, turun daha əvvəl keçirilən oyunlarında “Sabah” “Araz-Naxçıvan”ı 1:0, “Neftçi” “Kəpəz”i 2:1 hesabı ilə məğlub edib. “Şamaxı” – “Səbail”, “Zirə” – “Turan Tovuz” görüşləri qolsuz bitib.
