Rusiya prezidenti Vladimir Putin iştirak etdiyi toplantıda açıqlama verib.
Turkustan.az xəbər verir ki,Putin bəyan edib ki, dünyada münaqişə təkcə hərbi müharibə deyil, həm də təhsil, mədəniyyət, texnologiya və iqtisadiyyat sahələrində müharibədir. Müharibənin qlobal səviyyədə getdiyini bildirən Vladimir Putin, “Rusiya Qərbin təzyiqlərinə boyun əyməyəcək” - deyib.
Putin ölkəsində keçirilən toplantıda iştirakçılar qarşısında çıxış edib. Dünyanın tarixi dönüş nöqtəsi yaşadığını bildirən Vladimir Putin müharibənin təkcə hərbi deyil, həyatın bir çox sahələrində də davam etdiyini bəyan edib.
Putin, "Müharibə qlobal səviyyədə gedir və həyatın bütün sahələrini əhatə edir. Təhsil, mədəniyyət, iqtisadiyyat, texnologiya. Hər sahədə davam edir" -deyə, bildirib. O, həmçinin müasir dövrdə müharibənin təkamülünə diqqət çəkdi. Putin müharibənin bu qədər fərqli bölgələrə yayıldığı bir vaxtda bütün imkanlarından istifadə etməli olduqlarını bəyan edib.
Rusiya prezidenti Rusiyanın birliyini pozmağa çalışan qüvvələrə də müraciət edərək, "Onlar bizim birliyimizi pozmaq üçün etnik və dini ayrı-seçkiliklər törətməyə çalışırlar. Biz birliyimizi qorumaq üçün bütün addımlara qarşı çıxacağıq. Qərb heç vaxt Rusiyanı özünə tabe edə bilməyəcək" - deyib.
Putin Rusiyaya qarşı tətbiq edilən sanksiyalardan da danışıb: "Bizə qarşı tətbiq edilən sanksiyalar tarixdə görünməmiş bir sanksiyalardır. Lakin uğurlu alınmadı".
Aytən Yaşar/ Turkustan.az
