"Real Madrid"in braziliyalı hücumçusu Vinisius Junior yenidən qalmaqalla gündəmə gəlib.
Fanat.Az "Marca"ya istinadən xəbər verir ki, ulduz futbolçu "Real Madrid" - "Rayo Valyekano" matçından sonra qonaq azarkeşlərin onun ünvanına nalayiq şüarlar eşitməsinə reaksiya göstərb.
Xəbərə görə, Vinisius jestlə "Rayo Valyekano"nun İspaniyanın elit divizionundan aşağı düşməsini istədiyini bildirir. Bundan sonra "Kral klubu"nun forvardı sosial şəbəkələrdə tənqid olunub. "Rayo Valyekano" və digər komandaların azarkeşləri braziliyalının bu davranışını qeyri-idman hərəkəti və hörmətsizlik adlandırıblar.
Xatırladaq ki, "Real Madrid" - "Rayo Valyekano" görüşü 3:3 hesablı heç-heçə ilə yekunlaşıb. Madrid klubu hazırda La Liqanın turnir cədvəlində 3-cü yerdədir.
Mirağa
