Rusiya ordusu 2024-cü ildə 4,5 min kvadrat kilometr əraziyə nəzarəti ələ keçirib. Ukrayna "Luqansk Xalq Respublikası"(LXR) ərazisinin 1%-dən azına və "Donetsk Xalq Respublikası"nın (DXR) 25-30%-nə nəzarət edir. Rusiya mediasının yaydığı məlumata görə, bunu Rusiyanın müdafiə naziri Andrey Belousov deyib.
Onun sözlərinə görə, hazırda Rusiya qoşunları gündə orta hesabla 30 kvadrat kilometr irəliləyir.
Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
