"Save The Children" beynəlxalq qeyri-hökumət təşkilatı Yunanıstanda uşaq miqrantların qaldığı düşərgələrdəki şəraitin narahatedici olduğunu açıqlayıb.Save The Children təşkilatı hesabatı 2024-cü ilin aprel-iyul ayları arasında Yunanıstandakı müxtəlif miqrant düşərgələrində aparılan araşdırmalar əsasında hazırlayıb.Hesabatda qeyd olunub ki, düşərgələrdə uşaqlar əsas müdafiə xidmətlərindən məhrumdurlar, gigiyena şəraiti qeyri-kafidir və təcrid olunmuş həyat tərzi keçirirlər ki, bu da narahatlıq doğurur.Hesabatda uşaqların saxlama müddəti ötmüş qidalarla qidalandığı, sığınacaq yerlərinin Avropa standartlarından xeyli aşağı olduğu bildirilib və Avropa Birliyi və Yunanıstan hökumətindən təcili tədbirlər görülməsinə çağırılıb.Qeyd edək ki, Yunanıstandakı təxminən 58 min mühacir və qaçqının 13 mini uşaqdır.
