Macarıstan və Slovakiya Gürcüstan polisinin rəhbərliyinə qarşı Avropa İttifaqı sanksiyalarının tətbiqinə veto qoyublar. Brüsseldə heç kimin mühafizəkar hökuməti seçmiş gürcü xalqının iradəsini şübhə altına almağa haqqı yoxdur...
Poliqon xəbər verir ki, bunu Macarıstanın xarici işlər və xarici iqtisadi əlaqələr naziri Peter Siyarto deyib.
Oktyabrın 16-da Avropa İttifaqı Xarici İşlər Nazirliyinin rəhbərləri Gürcüstan məsələsini və sanksiyaların qəbulu imkanlarını müzakirə ediblər.
"Bu gün Gürcüstan polisinin rəhbərliyi sanksiya siyahısına salınmaq istədilər. Slovakiya ilə birlikdə veto qoyduq", deyə Siyarto Aİ ölkələrinin Xarici İşlər Nazirləri Şurasının iclasının yekunları üzrə macar jurnalistlərə bildirib.
O vurğulayıb ki, Brüsseldə heç kimin parlament seçkilərində Brüsselin dayandığı liberal qüvvələri deyil, mühafizəkar, sülhpərvər, vətənpərvər partiyanı seçən gürcü xalqının iradəsini şübhə altına almağa haqqı yoxdur:
"Avropa İttifaqı Gürcüstan məsələsində siyasi ikiüzlülük üzrə dünya rekordu qırdı. Gürcüstana qarşı təkəbbürlü və həssas münasibəti heç bir şəkildə dəstəkləmir. Hesab edirəm ki, beynəlxalq hüquqa görə, bir ölkəyə qarşı sanksiyalar tətbiq edilə bilməz, çünki o, sadəcə olaraq Aİ-yə üzvlük danışıqlarını 2028-ci ilə qədər təxirə salmaq qərarına gəlib".
Siyarto həmçinin Budapeştə ilk xarici səfərini edən Gürcüstanın xarici işlər naziri Maka Boçorişviliyə istinadən bildirib ki, Tiflisdəki etirazlar zamanı 40-a yaxın polis əməkdaşı yaralanıb, ona görə də sırf iğtişaşların sərt şəkildə yatırılmasından danışmaq düzgün deyil, etirazçılar arasında aqressiv elementlər də var.
Poliqon.info
