“İnter”in baş məşqçisi Simone İnzaqi A Seriyasının XVI turunda “Latsio”nu məğlub etdikləri oyundan (6:0) sonra fikirlərini bildirib.
Futbolpress.az xəbər verir ki, mütəxəssis matçla bağlı bunları deyib:
“Yaxşı formada olan komandanı məğlub etməyimiz məni qane edir. İlk 20 dəqiqədə çətin olsa da, sonra vəziyyət düzəldi. Oyunçularımla fəxr edirəm. 6:0 gözəl hesab və çılğınlıqdır. Derbidəki məğlubiyyətdən sonra toparlana bilməyəcəyimizi düşünənlər var idi. Bunlara qulaq asmadıq və işimizi gördük”.
“İnter” A Seriyasında 34 xalla 3-cü sıradadır və lider “Atalanta”dan 3 xal geri qalır.
