Xəbər verdiyimiz kimi, Moskvada Rusiya generalı və köməkçisi partlayışda həlak olub.
Musavat.com UNİAN-a istinadən xəbər verir ki, partlayışda Rusiya Silahlı Qüvvələrinin radiasiya, kimyəvi və bioloji müdafiə qoşunlarının rəisi, general-leytenant İqor Kirillov həlak olub.
Şahidlərin sözlərinə görə, partlayış general və köməkçisinin binadan çıxdığı anda baş verib. Partlayışın təsirindən binanın giriş qapısı qopub, pəncərələr sınıb. Həmçinin generalın xidməti avtomobili də zədələnib.
