Qazaxda “Sağlam gələcək bizimlə gələcək” Yaşıl dünyanın təşviqi layihəsinin açılış tədbiri keçirilib -Fotolar
aia.az xəbər verir ki, Azərbaycan Respublikası Elm və Təhsil Nazirliyinin Təhsildə İnkişaf və İnnovasiyalar üzrə VIII qrant müsabiqəsinin qalibi olmuş “Sağlam gələcək bizimlə gələcək” Yaşıl dünyanın təşviqi layihəsi 18.11.2024-cü il tarixində Qazax şəhər Ş Cəbiyev adına Daş Salahlı kənd 2 N-li tam orta məktəbində açılış tədbiri keçirilmişdir.
Xatırladırıq ki, "Sağlam gələcək bizimlə gələcək" qrant layihəsinin müəllifi həmən məktəbin müəllimi Nuranə Şərifovadır. Layihənin məqsədi məktəblilər, gənc müəllimlər və valideyinləri cəlb etməklə şagirdlər arasında sağlam həyat tərzinin təbliği ilə yanaşı asudə vaxtın səmərəli istifadəsi və rayonumuzda ekoloji təmizliyin qismən də olsa qorunmasına nail olmaqdır. Qazax rayonunda 3 məktəb olmaqla 10 nəfər müəllim, 30 nəfər şagird cəlb olunmuşdur. Bu rəqəm könüllülərin istəyi əsasında arta da bilər.Şagirdlər əsasən 7-8-9 cu sinifləri əhatə edir. Ekspert, layihə işraçısı və təlimçidən ibarət olan komanda müəllim-şagird-valideyin kontingentini layihəmizin icrası boyu baha sıx əlaqələrlə birləşdirəcəkdir. Şagirdlərimiz, xüsusilə qızlar, gənc müəllimlər bu işə cəlb olunmaqla velosiped sürməyi öyrənəcəklər. Müəllimləri ilə birgə iştirak edən şagirdlər həm prosedur qaydalara əməl edəcəklər, həm də onun özlərinə olan faydaları ilə yanaşı ətraf mühitin çirklənməsinin qarşısını almış olacaqlar. Velosipedlə ətraf mühitin çirklənməsinin qarşısını necə alan ölkələrin təcrübələrindən bəhrələnəcəklər. Müəllimlər öz şagirdləri ilə birgə təşkil etdikləri turlara rayonda olan digər məktəbləri cəlb etməklə yanaşı bu işə gənc valideyinləri də dəvət edəcəyik. Onlarla söhbətlərdə oturaq həyatda qazandıqları xoşagəlməz əlavə çəkinin azaldılmasında velosipedin rolu haqqında danışıqlar aparacağıq. Bu işlə biz bir çox problemlərimizi də çözmüş oluruq. Şagirdlərimiz ən tez qavranılan idman növünə nail olur. Məktəbə gəlmək üşün onlara artıq maşın lazım olmur və yaxud piyada gəlmək məcburuyyətindən xilas olur. Eyni zamanda velosipedin faydalarını öyənəcəklər.
“Dünyanı xilas edək” devizi altında turlar keçirəcəyik- Şagirdlər müəllimləri ilə velosiped sürəcəklər. Müəllim-şagird münasibətlərində səmimi yanaşma, qarşılıqlı anlaşma, hisslərin idarə olunması, prosedur qaydalara əməl ounması ilə yanaşı şagirdlər velosipedi sürməyin onlara və eyni zamanda ətraf mühitə necə faydalı olduğunu anlayacaqlar.
