ABŞ Müdafiə Nazirliyi Şimali Koreya qoşunlarının Ukrayna ilə müharibədə itkilər verdiyini təsdiqləyib.
KONKRET.az BBC-yə istinadən xəbər verir ki, koreyalılar ötən həftə döyüşə daxil ediliblər.
“Bizim qiymətləndirməmizə görə, Şimali Koreya qoşunları Kursk bölgəsində döyüşə girib və ruslarla yanaşı döyüşür. Onların xeyli itki verdiyinə dair əlimizdə tutarlı faktlar var”, -deyə Pentaqon sözçüsü general-mayor Pat Rayder bildirib. Ukrayna hərbi kəşfiyyatının məlumatına görə, KXDR əsgərləri Kursk vilayətinin Plexovo, Vorojba və Martınovka yaşayış məntəqələri yaxınlığında döyüşlərdə iştirak edir.
Vəli Həsənoğlu,
KONKRET.az
