“Ankara Londondakı Britaniya Muzeyindən Afinaya Parfenon heykəllərinin geri qaytarılması ilə bağlı Yunanıstana dəstək verir və Türkiyə-Yunanıstan əlaqələrinin yaxşılaşacağına ümid edir”.
Yenicag.az xəbər verir ki, bu barədə Türkiyə Prezidenti Administrasiyasının İctimaiyyətlə Əlaqələr Departamentinin başçısı Fxərəddin Altun “Ta Nea” qəzetinə verdiyi müsahibədə bildirib.
Türkiyəli rəsmi həmçinin Kipr məsələsinə də toxunaraq qeyd edib ki, nə Kipr türkləri, nə də Türkiyə bu məsələnin həlli üçün daha 60 il sərf etmək istəmir.
Altun Yunanıstan və Türkiyənin mədəni irsinin qorunmasının qarşılıqlı dəstək və anlayış tələb edən bir məsələ olduğunu vurğulayıb. Nümunə olaraq, o, Egey dənizindən bəhs edərək, Türkiyənin də bu dənizlə bağlı hüquqları və həyati maraqları və bunların tamamilə qanuni olduğunu qeyd edib. Altun həmçinin Kipr məsələsində federativ modelin özünü tükəndiyini və adada iki xalq və iki dövlət olduğunu qəbul etmək lazım olduğunu bildirib.
