Avropa İttifaqı ölkələrində fikir ayrılığı: “Bloomberg” detalları AÇIQLADI

Bir qrup üzv ölkə Avropa İttifaqının (Aİ) üçüncü ölkələr vasitəsilə anti-Rusiya sanksiyalarından yayınmasının qarşısını almaq üçün təklif etdiyi planı yumşaltmaqda israrlıdır. Gununsesi.info bildirir ki, bu barədə “Bloomberg”ə müzakirələrin məzmunundan xəbərdar olan mənbələr məlumat verib.Avropa Komissiyası idxalçılara yüksək prioritet adlandırılan malların, o cümlədən silahlarda istifadə olunan və ya onların istehsalı üçün zəruri olan yarımkeçiricilərin Rusiyaya və ya bu ölkədə istifadəsinə yenidən satmağı qadağan etməyi təklif edib. Bundan əlavə, bu tələbin yerinə yetirilməsinə zəmanət kimi müəyyən məbləğin depozit hesabına köçürülməsi təklif edilir.“Bloomberg” xəbər verir ki, Aİ-nin son sanksiya təkliflərinə görə, bu məbləğin ən azı yarısı Ukrayna üçün etibarlı fonda köçürüləcək və pozuntular halında müqavilələrə xitam veriləcək. İxracatçılar həmçinin üçüncü ölkələrin şirkətləri tərəfindən hər hansı pozuntular barədə milli orqanlara məlumat verməlidirlər.Lakin bu həftə Aİ-nin bir qrup əsas üzv dövlətinin diplomatik nümayəndələri təkliflərlə bağlı ciddi narahatlıqlarını, o cümlədən onların qanuniliyini və idxalçılardan bu cür zəmanətlərin tələb edilməsinin mümkünlüyünü açıq şəkildə şübhə altına alıblar. Bu barədə adının çəkilməsini istəməyən mənbələr məlumat verib.Bu ölkələr qrupu həmçinin potensial şərtlərin siyahısını və təklif olunan tədbirin təsirinə məruz qalacaq malların siyahısını daraltmaq istəyir. Bu dövlətlər belə müqavilə tələblərinin Avropa şirkətlərini rəqibləri ilə müqayisədə əlverişsiz vəziyyətə sala biləcəyindən narahatdırlar.Mənbələr bildiriblər ki, blokun digər ölkələri, o cümlədən Baltikyanı ölkələr təklifləri dəstəkləyir.Müzakirələr Avropa İttifaqının Moskvanın Qazaxıstan, Serbiya və Türkiyə kimi üçüncü ölkələr vasitəsilə əsas hərbi mallar əldə etmək imkanlarını məhdudlaşdırmağa cəhd etdiyi vaxta təsadüf edir.Rusiya hazırda prioritet mallarının 80%-dən çoxunu Çin və Honq Konqdan alır. Moskva Tailand və Malayziya kimi ölkələr vasitəsilə də yeni marşrutlar qurmağa nail olub.“Bloomberg”in daha əvvəl verdiyi xəbərə görə, Rusiyanın istifadə etdiyi başqa bir əsas kanal kimi xidmət edən Birləşmiş Ərəb Əmirlikləri bu yaxınlarda ixraca nəzarəti həyata keçirmək üçün daha çox işlər görəcəyinə işarə edib. Bununla belə, BƏƏ ticarət məlumatlarını vaxtında təqdim etmir, bu da irəliləyişi qiymətləndirməyi çətinləşdirir.Gununsesi.info