“Luqansk və Donetsk vilayətlərində döyüş tapşırıqlarını yerinə yetirən Timur döyüş əməliyyatları zamanı dəfələrlə yaralansa da, yenidən Vətənimizin müdafiəsinə qayıdıb...”
"Səmimi, cəsarətli, sevən, qayğıkeş oğul, ər və ata idi. Qardaşlarına və hərbi andına sadiq idi..."
“Mən Timuru uşaqlıqdan şəxsən tanıyırdım. Ukraynanın Lvov vilayətinin İzborniki kəndində yaşayırdı. Həyat yoldaşı və iki oğlu ilə... Səmimi, cəsarətli, sevən, qayğıkeş oğul, ər və ata idi. Qardaşlarına və hərbi andına sadiq idi. Hərbi borcunu cəsarətlə yerinə yetirərək Ukraynanın azadlığı və müstəqilliyi uğrunda, Rusiya işğalçılarına qarşı gedən döyüşlərdə Luqansk istiqamətində qəhrəmancasına həlak oldu”.
Bunu Moderator.az-a açıqlamasında dekabrın 10-da Rusiya işğalçılarına qarşı savaşda həlak olmuş Əliyev Timur Asif oğlu
haqda danışan Ukraynadakı Azərbaycan diasporunun tanınmış nümayəndəsi Elşad Ələsgərov söyləyib.
“O, 2022-ci ilin iyul ayından 3-cü hücum briqadasının tərkibində dövlətimizi işğalçılardan müdafiə edib. Luqansk və Donetsk vilayətlərində döyüş tapşırıqlarını yerinə yetirən Timur hərbi əməliyyatlar zamanı dəfələrlə yaralansa da, yenidən Vətənimizin müdafiəsinə qayıdıb.
Özündən sonra Timurun atası, anası, həyat yoldaşı, iki oğlu, qardaşı, bacısı və bacısı oğulları qalıb.
Şəhidimizin ailəsinə və yaxınlarına dərin hüznlə başsağlığı verirəm!..
Allah rəhmət eləsin! Rəbbimiz dünyaya və Ukraynaya daimi sülh nəsib etsin!”- deyə diaspor nümayəndəsi əlavə edib.
Sultan Laçın
