Macarıstan və Slovakiyanı dost olmayan ölkələr siyahısından çıxarmaq üçün kifayət qədər əsas yoxdur...
Poliqon xəbər verir ki, bu barədə Rusiya Xarici İşlər Nazirliyindən İzvestiya qəztinə bildirilib.
Nazirlik qeyd edib ki, hər iki ölkə dialoqu davam etdirməyə çalışır, lakin Avropa İttifaqının (Aİ) və NATO-nun üzvüdür, ona görə də onlar məhdudiyyətlərə məruz qalırlar.
"Bu ölkələrin Rusiya ilə ticarət-iqtisadi münasibətlərin strateji əhəmiyyətli sahələrində bir sıra faydalı inkişafları qorumaq istəyinə, həmçinin Aİ və NATO-ya üzv olduqları üçün Budapeşt və Bratislava ilə ikitərəfli siyasi dialoqun saxlanmasına diqqət yetirmələrinə baxmayaraq, blok nizam-intizamına, o cümlədən tətbiq edilən anti-Rusiya məhdudiyyətlərinə riayət etməyə məcburdurlar", deyə XİN-dən bildiriblər.
2022-ci ildə hökumət Rusiyaya, onun şirkətlərinə və vətəndaşlarına qarşı "dost olmayan hərəkətlər" edən xarici dövlətlərin siyahısını təsdiqləyib. Siyahıya Ukraynada hərbi əməliyyatlar başlayandan sonra anti-Rusiya sanksiyaları tətbiq edən və ya onlara qoşulan 46 ölkə və ərazi daxildir.
Slovakiyanın baş naziri Robert Fiko Rusiya ilə Avropa arasında yeni "dəmir sərhəd"in yaranmasına qarşıdır. O, "Rusiya ilə münasibətləri normallaşdırmaq istədiyini" və "normal dialoqa başlamağı" təklif etdiyini bildirib.
Macarıstan da dəfələrlə Aİ-nin Ukrayna ilə bağlı siyasətinə qarşı çıxıb. Dekabrın 11-də Vladimir Putin Macarıstanın baş naziri Viktor Orbanla telefon danışığı aparıb və o, Rusiya Federasiyası və Ukraynaya genişmiqyaslı əsir mübadiləsi aparmağı və müvəqqəti atəşkəs elan etməyi təklif edib. Orbanın sözlərinə görə, Moskva razılaşsa da, Kiyev bundan imtina edir.
Poliqon.info
