Bir müddət əvvəl Xaçmazda göbələkdən zəhərlənərək həyatını itirən Günel Abdullayevanın atası V.Abdullayev infarktdan dünyasını dəyişib.
Modern.az bu barədə Lent.az-a istinadən xəbər verir.
Məlumata görə, buna səbəb onun qızının ölümünə dözə bilməməsi olub.
Qeyd edək ki, hadisə oktyabr ayında Xaçmaz rayonu Seyidli kəndində, meşədə baş verib. 47 yaşlı İlahə Vilayət qızı Bayramova rəfiqəsi Günel Valeh qızı Abdullayeva ilə birgə həmin meşədə göbələk yeyiblər. Bundan sonra hər ikisinin vəziyyəti pisləşib və onlar Xaçmaz Rayon Mərkəzi Xəstəxanasına yerləşdirilib. Daha sonra onlar Bakıya, Kliniki Tibbi Mərkəzə gətirilərkən İlahə Bayramova yolda ölüb. 38 yaşlı Günel Abdullayeva isə həmin xəstəxanada həkimlərin göstərdiyi səylərə baxmayaraq, keçinib.
Onu da xatırladaq ki, G.Abdullayeva elm və təhsil nazirinin köməkçisi Taleh Əhmədovun bacısıdır.
