Bu ilin yanvar-noyabr ayları ərzində Azərbaycan 2 milyard 648 milyon 607 min ABŞ dolları dəyərində 4 milyon 413 min 383 ton qeyri-neft məhsulları ixrac edib.
Bu barədə Fins.az Dövlət Gömrük Komitəsinə istinadən xəbər verir.
Bu, ötən ilin eyni dövrü ilə müqayisədə dəyər baxımından 64 milyon 246 min ABŞ dolları (2,4%), həcm baxımından isə 289 min 970 ton (7,03%) azdır.
Məlumata görə, cari ilin yanvar-noyabr aylarında Azərbaycandan qeyri-neft məhsullarının ən çox ixrac olunduğu ölkələrin sırasında Rusiya, Türkiyə, Gürcüstan, İsveçrə və Amerika Birləşmiş Ştatları (ABŞ) qərarlaşıb.
Belə ki, 11 ayda Rusiyaya 1 milyard 67 milyon 906 min ABŞ dolları, Türkiyəyə 507 milyon 130 min ABŞ dolları, milyon ABŞ dolları, Gürcüstana 252 milyon 921 min ABŞ dolları, İsveçrəyə 193 milyon 597 min ABŞ dolları, ABŞ-yə isə 129 milyon 594 min ABŞ dolları dəyərində qeyri-neft məhsulları ixrac olunub.
Fuad Mədətov
Fins.az
