“Vergi ödəyicisi haqqında ümumi məlumat” bölməsində vergi orqanı, bəyannamənin (hesabatın) aid olduğu dövr, hüquqi və ya fiziki şəxsin uçot məlumatları (VÖEN-i, adı, telefon nömrələri, vergi ödəyicisinin qrupu), fəaliyyət növünün kodu, bəyannamənin (hesabatın) növü və digər məlumatlar əks olunur.
Heftelik.az-ın məlumatına görə bu, Kameral vergi yoxlamalarının aparılmasına dair Qaydalarda əksini tapıb.
“Muzdlu işdən gəlir əldə edən işçilərin sayı və gəlirləri barədə məlumat” bölməsi aşağıdakı 3 hissədən ibarətdir:
– “Hissə 1” – Rübün müvafiq aylarında işçilərin ümumi sayı və faktiki işə cəlb olunan işçilərin sayı barədə məlumatlar öz əksini tapır;
– “Hissə 2”- Rübün müvafiq aylarında ümumi gəlirlər, o cümlədən əmək haqqı və digər gəlirlər, istifadə edilməmiş əmək məzuniyyətinə görə hesablanmış kompensasiya məbləğləri və həyatın yığım sığortasına cəlb olunmuş məbləğlər barədə məlumatlar öz əksini tapır;
– “Hissə 3” – Rübün müvafiq aylarında vergilər üzrə güzəşt və azadolmalar, eləcə də məcburi dövlət sosial sığorta, işsizlikdən sığorta və icbari tibbi sığorta haqqına cəlb edilməyən gəlirlər barədə məlumatlar öz əksini tapır.
