.png)
Keçən ildən bəri İspaniyada körpələrdə "qurd adam sindromu" kimi tanınan 11 hipertrikoz hadisəsi aşkar edilib.
Milli.Az xarici mediaya istinadən xəbər verir ki, İspaniyanın Navarra Əczaçılıq Mərkəzinin hesabatına görə, 2023-cü ildən bəri bütün İspaniyada "qurd adam sindromu" kimi tanınan 11 hipertrikoz hadisəsi qeydə alınıb. Məlum olub ki, körpələrin valideynlərinin saç tökülməsinin qarşısını almaq üçün 5 faiz yerli minoksidil ehtiva edən reseptsiz bir sprey istifadə edib.
.png)
Minoksidil nədir?
Minoxidil saç tökülməsini yavaşlatmaq və saç uzanmasını təşviq etmək üçün ABŞ Qida və Dərman İdarəsi (FDA) tərəfindən təsdiqlənmiş bir dərmandır. Ancaq bu, dərmanın valideynlərdən körpələrə dəri təması və ya ağızdan tətbiqi ilə ötürüldüyünü göstərir.
Necə müalicə edilir?
Hipertrikoz bədənin qeyri-adi nahiyələrində həddindən artıq saç böyüməsi ilə xarakterizə olunan nadir bir vəziyyətdir. İncə tüklərin 5 sm-ə qədər uzanmasına səbəb olan bu xəstəlik üzdə, qollarda və bədənin digər yerlərində görünə bilər. Bununla belə, hipertrikozun hələ də məlum müalicəsi yoxdur.
Səhiyyə mütəxəssisləri valideynlərə xəbərdarlıq ediblər ki, minoksidil xüsusilə körpələrin sağlamlığı üçün təhlükəli ola bilər. Körpələrin həssas dərisi səbəbiylə dərmanın asanlıqla sorula bildiyinə diqqət çəkən mütəxəssislər, körpələrin dərman istifadə edildiyi yerlərdən uzaq tutulması lazım olduğunu bildirirlər.
Fidan
Milli.Az
