Son altı ildə 609 min əmək müqaviləsi imzalanıb.
Day.Az xəbər verir ki, bunu "Azərbaycan Karyera İnkişaf Forumu 2024"də əmək və əhalinin sosial müdafiəsi naziri Sahil Babayev deyib.
O bildirib ki, bunun əsas hissəsi özəl şirkətlərin payına düşür: "Biz altı ildə 1,8 mln vətəndaşa xidmət göstərmişik. Hazırda Qarabağda və Şərqi Zəngəzurda işlər aparılır".
Nazir onu da qeyd edib ki, hazırda nazirliyin göstərdiyi xidmətlərin 90% elektronlaşıb.
"Bu gün 600 milyon dəfədən çox elektron xidmətlərdən istifadə edilib. Bu böyük göstəricidir. Biz tam elektronlaşmış əmək müqaviləsinə keçməliyik. Hazırda bir milyondan artıq şəxs elektron müqaviləyə keçid edib", - deyə o qeyd edib.
