Barmaqları şıqqıldatmaq vərdişi milyonlarla insanın gündəlik həyatında təkrarladığı bir hərəkətdir.
E-saglam.az xəbər verir ki, bu vərdişin artritə və ya digər oynaq problemlərinə səbəb olduğu ilə bağlı geniş yayılmış bir inanc mövcuddur. Lakin bir sıra elmi araşdırmalar bu iddiaların əsassız olduğunu göstərmişdir.
Barmaq səsinin səbəbi
Barmaqları uzadarkən oynaq boşluğunda yaranan təzyiq dəyişikliyi oynaq mayesindəki qazların əriməsi ilə xüsusi bir səs yaradır. Bu, sadəcə təbii bir mexanizmdir və oynaqlara fiziki zərər yetirmir.
Araşdırmaların nəticələri
Yale universiteti: Aparılan araşdırmalar göstərib ki, barmaqlarını şıqqıldatmaq vərdişi olan insanlarda artrit kimi xəstəliklərin yaranma riski digərləri ilə eynidir.
Kaliforniya universiteti (1990): 600 nəfərlik bir araşdırmada barmaqlarını şıqqıldadan və şıqqıldatmayan insanlar müqayisə edilmişdir. Araşdırma nəticəsində hər iki qrupda oynaq sağlamlığı baxımından əhəmiyyətli bir fərq tapılmayıb.
American Journal of Medicine (1975): Araşdırmalar göstərib ki, barmaq şıqqıldatması nə struktur pozulmalara, nə də artritə səbəb olur.
Harvard universiteti (2009): Bu araşdırma, barmaq şıqqıldatmasının bağlara və ya oynaqlara zərər vermədiyini və heç bir struktur dəyişiklik yaratmadığını sübut edib.
Belə ki, elmi araşdırmalar göstərir ki, barmaq şıqqıldatması uzunmüddətli olaraq oynaqların sağlamlığına mənfi təsir etmir. Bu vərdişin bağlara, oynaqlara və ya dayaq-hərəkət sisteminə zərər verdiyini təsdiq edən heç bir elmi dəlil yoxdur. Bununla belə, əgər bu hərəkət zamanı ağrı hiss edilirsə, mütəxəssisə müraciət etmək məsləhət görülür.
Könül Oruc
E-saglam.az
