“Qarabağ”ın futbolçusu Olavio Juninyo Avropanın daha bir klubunun maraq dairəsinə düşüb.
İdman.biz xəbər verir ki, həm futbolçunun özü, həm klubla danışıqlar aparan “Sevilya”nın ardınca “Srvena Zvezda” da braziliyalı hücumçunu heyətinə qatmaq üçün mübarizəyə qoşulub.
Serbiya təmsilçisi “Qarabağ” və Olavio ilə danışıqlara start verib. Ağdam klubu transferdən daha çox qazanmaq üçün müştərilərdən aldığı təklifləri nəzərdən keçirir.
Juninyo isə Pireney yarımadasında oynamağa üstünlük verir. İlkin təklifi qəbul olunmayan “Sevilya” məhz futbolçunun istəyinin onlara kömək edəcəyi qənaətindədir.
Qeyd edək ki, Juninyo Azərbaycan Premyer Liqasında keçirdiyi 47 oyunda 23 qola imza atıb.
İdman.biz
