Aparıcı süni intellekt şirkətlərindən biri olan “Anthropic” bu vasitələrlə bağlı çox maraqlı nəticələr verən araşdırma aparıb.
İndex.az xəbər verir ki, araşdırmada süni intellekt modellərinin insanları sözün əsl mənasında “aldatdığı” görülüb.
Şirkət tərəfindən paylaşılan bloq yazısında dərc olunan nəticələrə görə, süni intellekt alətləri təlim zamanı özlərini fərqli baxışlara malik kimi göstərə bilirlər, lakin əslində onlar öz orijinal üstünlüklərini qoruyub saxlayırlar. Yəni tutduqları fikir heç vaxt dəyişmir, sadəcə belə davranırlar.
Tədqiqatın arxasında duran komanda, hələlik bu vəziyyətdən narahat olmamalı olduğumuzu vurğuladı. Bununla belə, o əlavə edib ki, gələcəkdə daha təkmil süni intellekt modellərinin gəlməsi ilə vəziyyət potensial risklər yarada bilər.
