Vladimir Putinin Qərbi Kiyevdə Rusiya ordusunun “Oreşnik”lə vura biləcəyi hədəfi seçməyə dəvət etməsindən sonra Ukrayna Prezidenti Volodimir Zelenski Rusiya hakimiyyətini “əclaf” adlandırıb.
Yeniavaz.com xəbər verir ki, Putin canlı görüşü zamanı deyib ki, Qərbin hava hücumundan müdafiə sistemləri “Oreşnik” raketlərini vura bilməz.
Rusiya raketlərinin effektivliyinə inanmayan eyni ekspertlərə o, “21-ci əsrin yüksək texnologiyalı dueli” təşkil etməyi təklif edib:
“Qoy onlar məhv etmək üçün hansısa hədəfi müəyyən etsinlər, məsələn, Kiyevdə, bütün hava hücumundan müdafiə və raketdən müdafiə qüvvələrini orada cəmləşdirsinlər, biz də “Oreşnik”lə ora zərbə endirəcəyik. Nə olacağını görəcəyik”.
Zelenski Rusiya Prezidentinin canlı bağlantısından qısa müddət sonra başlayan mətbuat konfransında Putinin sözlərini şərh edib.
