Bakıda ayrı-ayrı vaxtlarda piyadaların vurulması ilə bağlı iki fakt qeydə alınıb.
Bakıvaxtı.az APA-ya istinadla xəbər verir ki, hər iki hadisə Xətai rayonunda baş verib.
Belə li, Əhmədli qəsəbəsində 1991-ci il təvəllüdlü İsmayılova Günel Firuz qızı piyada keçidindən keçərkən onu minik avtomobili vurub.
Xəsarət alan İsmayılova xəstəxanaya yerləşdirilib.
Həkimlər onun vəziyyətini orta ağır olaraq qiymətləndirir.
Sürücü məsuliyyətə cəlb edilib.
Digər hadisə isə rayonun Telnov küçəsi 5 ünvanında baş verib. Qadın şossenin piyada üçün müəyyən edilməmiş hissəsindən keçərkən onu minik avtomobili vurub.
Yaralı qadın xəstəxanaya yerləşdirilib.
Vəziyyəti kafi olaraq qiymətləndirilir
Hər iki faktla bağlı araşdırma aparılır.
