Macarıstanın baş naziri Viktor Orban Rusiyaya qarşı sanksiyaların uzadılıb-uzadılmaması barədə qərar verməzdən əvvəl ABŞ-ın yeni seçilmiş prezidenti Donald Trampın andiçmə mərasimini gözləyəcək.
Bu barədə “Bloomberg”in materialında deyilir. Aİ Rusiya Federasiyasına qarşı məhdudiyyətləri hər altı aydan bir, növbəti dəfə – yanvarın sonunda, Trampın and içməsindən 11 gün sonra uzatmalıdır. “İndiyədək bu, adi prosedur olub, lakin uzadılması üçün 27 üzv dövlətin yekdil dəstəyi tələb olunur ki, bu da Orbana veto qoymağa imkan verir”, – məqalədə qeyd edilir.
Dekabrın 16-da Avropa İttifaqı Rusiyaya qarşı 15-ci sanksiyalar paketinin qəbul edildiyini açıqlayıb. Məhdudlaşdırıcı siyahılara Çin, Hindistan, BƏƏ və Serbiya şirkətləri də daxil olmaqla 54 fiziki şəxs və 30 təşkilat daxildir. Məhdudiyyətlər Rusiyanın “tankerlərin kölgə donzanmasından” istifadə edərək G7-nin neft qiymətlərinin yuxarı hədlərini aşmasının qarşısını almaq məqsədi daşıyır. Macarıstanın xarici işlər naziri Peter Siyyarto ABŞ-ın Macarıstan üçün istisna etdiyini və bu ölkəni Rusiya “Qazprombank”ına qarşı tətbiq edilən sanksiyalardan azad etdiyini bildirib.
//Samir Qurbanov, Editor.az
