Azərbaycan Respublikasının Prezidenti İlham Əliyev Bizim.Media-nın 6 əməkdaşını noyabrın 11-22-də Bakı şəhərində keçirilmiş BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) fəal iştirakına görə təltif edib.
Bizim.Media-nın baş redaktoru Anar Tahirov sosial şəbəkə hesabında cənab Prezidentə Bizim.Media-ya göstərdiyi etimad və diqqətə görə minnətdarlığını bildirib.
Qeyd edək ki, COP29 dövründə Bizim.Media informasiya portalının əməkdaşları konfransın işıqlandırılması, iqlim dəyişikliyi ilə mübarizənin önəminin ictimaiyyətə çatırılması istiqamətində aktiv şəkildə fəaliyyət göstərib.
Tədbirin keçirildiyi 11-22 noyabr tarixlərində Bizim.Media informasiya portalında COP29-la bağlı 600-dən çox özəl xəbər və məqalə dərc olunub.
Bizim.Media
