Bakı, 20 dekabr, AZƏRTAC
Təhsil Tələbə Krediti Fondu (TTKF) fəaliyyətə başladığı gündən 45 min 426 tələbə kreditdən faydalanıb.
AZƏRTAC xəbər verir ki, bunu TTKF-nin sədri vəzifəsini müvəqqəti icra edən Bəhruz Əzimov Təhsil Tələbə Krediti Fondunun 3 illik fəaliyyətinə dair keçirilən brifinqdə deyib. O bildirib ki, təhsil krediti alanların 31 min 805-i bakalavriat, 11 min 165-i magistratura, 2297-si orta ixtisas, 159-u texniki peşə tələbələridir.
Bəhruz Əzimov qeyd edib ki, təhsil kreditlərindən faydalan tələbələrin 39 faizi kişi, 61 faiz qadın olub.
