Şakir Paşanın nəvəsi "Şakir Paşa Ailesi" serialının yayımının dayandırılmasını tələb edərək məhkəməyə müraciət edib. O, serialın istehsalı ilə bağlı ailəsindən icazə alınmadığını bildirib. Lakin məhkəmə müraciətin əsassız olduğunu qərara alıb.
Milli.Az Türkiyə mətbuatına istinadən xəbər verir ki, yayım şirkəti də məsələyə dair açıqlama verərək, serial üçün icazə almalı olmadıqlarını qeyd edib. Açıqlamada, ekran işinin Şakir Paşanın ailə üzvlərindən birinin sözləri əsasında deyil, rəsmi məhkəmə sənədləri və çıxan xəbərlər əsasında hazırlandığı vurğulanıb.
Ekran işində baş rolları Fırat Tanış, Vahidə Perçin və Məryəm Üzərli canlandırır.
