Lənkəran rayonunun Gərmətük qəsəbəsində yerləşən 2 mərtəbəli yaşayış evində yanğın baş verib.
Bizim.Media-nın yerli bürosunun məlumatına görə, yanğın axşam saatlarında Səxavət Rzayevə məxsus evdə qeydə alınıb.
Fövqəladə Hallar Nazirliyinin (FHN) Lənkəran Dövlət Yanğından Mühafizə Hissəsinə məlumat daxil olduqdan dərhal sonra hadisə yerinə iki texnika və şəxsi heyət cəlb edilib.
360 kvadratmetr sahəsi olan evin dam örtüyü və ikinci mərtəbəsində bir otaq yanıb.
Yanğınsöndürənlərin səyi nəticəsində alovun qarşısı alınıb və binanın digər hissələri yanğından mühafizə olunub.
Hadisə yerində yanğın tam lokallaşdırılıb.
Yanğının başvermə səbəbləri araşdırılır.
Sabutay Nağıyev, Bizim.Media, Cənub bürosu.
