Ötən gecə Madrid “Atletiko”su ilə ev oyununda məğlubiyyətlə üzləşən İspaniyanın “Barselona” klubu antirekordunu təkrarlayıb.
Arena.az xəbər verir ki, İspaniya La Liqasının 18-ci turu çərçivəsində baş tutan bu oyunda Kataloniya təmsilçisi 1:2 hesabıyla uduzub.
Komanda yerli çempionatda evdə keçirdiyi ardıcıl üç matçda məğlub olub. 1965 və 1987-ci illərdə də eyni nəticə qeydə alınıb.
Xatırladaq ki, “Barselona” daha əvvəl doğma meydanda “Las Palmas”a (1:2) və “Leqanes”ə (0:1) də məğlub olmuşdu.
Bu oyun Madrid “Atletiko”su üçün də əlamətdar olub. Paytaxt klubu 18 ildən sonra “blauqrana”nı qonaq qismində yenə bilib. Madridlilər bu qarşılaşmaya qədər “Barsa” ilə 24 səfər matçında uğur qazana bilməmişdi.
“Qırmızı-ağlar”ın Kataloniya klubu üzərində əvvəlki belə qələbəsi 2005/2006 mövsümündə, 2006-cı ilin fevralında qeydə alınmışdı. Madrid təmsilçisi həmin vaxt 3:1 hesablı zəfərə sevinmişdi.
Qeyd edək ki, bu qələbə sayəsində xallarının sayını 41-ə çatdıran paytaxt komandası La Liqanın turnir cədvəlində liderliyə yüksəlib. “Atletiko”dan bir oyun çox keçirən “Barselona” 38 xalla 2-ci, 17 oyuna 37 xalı olan Madrid “Real”ı isə 3-cü pillədə qərarlaşıb.
