Gürcüstanın Baş naziri İrakli Kobaxidze Prezident Salome Zurabişviliyə yeni parlament seçkilərinin təyin edilməsi ideyasına qarşı xəbərdarlıq edib.
Yeniavaz.com xəbər verir ki, Kobaxidze bu barədə brifinqdə danışıb.
Kobaxidzenin sözlərinə görə, Zurabişvili şənbə günü müxalifət və qeyri-hökumət təşkilatlarının (QHT) nümayəndələri ilə görüşüb:
“Bizə məlumat verildi ki, onlar dünən seçkilərin təyin edilməsi məsələsini ciddi müzakirə ediblər. Salome Zurabişvili dünən parlament seçkiləri təyin etməli olduğu niyyəti ilə müxalifət spektrini və QHT-ləri toplayıb.
Ağıllı kimsə ona bunu etməməyi tövsiyə edib. Gürcüstanda mövcud qanunvericiliyə əsasən, parlament seçkiləri üç halda təyin edilir: təkrar seçkilər, Mərkəzi Seçki Komissiyası və ya Konstitusiya Məhkəməsi əvvəlki seçkilərin nəticələrini ləğv etdikdə, növbəti seçkilər, parlament deputatlarının 4 illik səlahiyyət müddəti bitdikdə və növbədənkənar seçkilər, parlament hökumətə etimad göstərmədikdə”.
Baş nazir vurğulayıb ki, əgər prezident buna baxmayaraq başqa səbəbə görə yeni parlament seçkiləri təyin etmək qərarına gəlsə, o, buna görə cinayət məsuliyyətinə cəlb olunacaq:
“Biz onun (Zurabişvili - red.) harada, dəmir barmaqlıqlar arxasında və ya azadlıqda yaşamağa davam edəcəyini görəcəyik”.