Yeni televiziya mövsümündə “Xəzər” kanalı ilə yollarını ayıran və köhnə iş yerinə yəni “ATV” kanalına qayıdan aparıcı Afaq Gəncəlinin uzun müddətdir anons edilən verilişinin aqibəti bəlli olub.
OLAY yazır ki, bu haqda televiziya ulduzu özü məlumat yayıb.
“Afaqla onlar” adlı verilişi Gəncəli Yeni ilin elə ilk günlərində ATV-nin efirində yayımlanacağını bildirib.
Proqramının anonsu üçün Afaq yenidən kamera önünə keçib. Təqdimat çarxında aparıcı maska altında rəqqaslarla birgə verilişinin adına uyğun mahnı oxuyub.
Qeyd edək ki, illər əvvəl Afaq Gəncə “ATV” kanalında “10lar” daha sonra isə “ATV maqazin 10lar”la verilişlərinin aparıcısı olub. Bir neçə il “Xəzər” kanalında fəaliyyətini davam etdirən Afaq “Şourum” və “Səhər mərkəzi” proqramlarını təqdim edib.
