ABŞ Dövlət Departamenti amerikalıları Belarusu tərk etməyə çağırıb.
Musavat.com xəbər verir ki, bu barədə Dövlət Departamentin saytında rəsmi yazı yer alıb.
“ABŞ vətəndaşları Belarusa səyahət etməkdən çəkinməlidirlər və artıq orada olanlar dərhal ölkəni tərk etməlidirlər”, - deyə yazıda qeyd olunur.
Göstərilən səbəblər arasında Belarusun Ukraynadakı Şimal Hərbi Dairəsinə dəstəyi, həbs riski, vətəndaş iğtişaşlarının mümkünlüyü və səfirliyin ABŞ vətəndaşlarına yardım göstərmək imkanlarının məhdudluğu göstərilir.
“ABŞ vətəndaşları fövqəladə hallar zamanı mümkün səyahət planlarını mütəmadi olaraq nəzərdən keçirməlidir. Qonşu ölkələrlə sərhəd keçidləri bəzən əvvəlcədən xəbərdarlıq edilmədən bağlanır. Belarusun Litva, Polşa, Latviya və Ukrayna ilə sərhədlərində keçid məntəqələrinin bağlanması mümkündür”, - deyə Dövlət Departamentinin bəyanatında bildirilir.
ABŞ-ın Minskdəki səfirliyinin fəaliyyəti 28 fevral 2022-ci ildə dayandırılıb. Dövlət Departamentinin əmri ilə onun əməkdaşları təxliyə edilib və fövqəladə xidmətlər də daxil olmaqla, xidmətlərin göstərilməsi dayandırılıb. Yardıma ehtiyacı olan ABŞ vətəndaşlarına Amerikanın qonşu ölkələrdəki səfirlikləri və konsulluqları ilə əlaqə saxlamaları tövsiyə olunur.
Musavat.com
