Yaponiyada yeni dişlərin çıxmasını stimullaşdıra bilən və potensial olaraq diş implantları və protezləri əvəz edə biləcək dərmanın klinik sınaqlarına başlanılıb.
Lent.az-ın xarici KİV-ə istinadən bildirdiyinə görə, testlər yaşlı könüllülər üzərində aparılır və alimlər terapiyanın müxtəlif yaş qrupları üçün effektiv olacağını gözləyirlər. Müalicə ideyası “diş qönçələri” adlandırılanların - üçüncü diş dəsti üçün əsas ola biləcək ilkin strukturların aktivləşdirilməsinə əsaslanır.
Normalda bu rudimentlər (rudiment orqan - bioloji təkamül prosesində əsas funksiyasını itirmiş lakin saxlanılan orqanlardır – red.) inkişaf etmir və zamanla yox olur. Alimlərin hazırladıqları dərmanın tərkibində USAG-1 zülalını bloklayan və onların böyüməsinə mane olan anticisimlər var. Bu, rudimentlərə tam hüquqlu dişlər yaratmağa imkan verir.
Tədqiqatçılar ümid edirlər ki, dərman öz effektivliyini sınaqların ilk mərhələsində nümayiş etdirəcək. Gələcəkdə anadangəlmə diş çatışmazlığı olan uşaqlarda (anodontiya), eləcə də zədə və ya xəstəlik nəticəsində dişlərini itirmiş böyüklər üçün istifadə edilə bilər.
2025-ci ilə qədər diş böyüməsini stimullaşdırmaq üçün dərmanın bir dozası veriləcək iki yaşdan altı yaşa qədər uşaqlar üzərində sınaqlar planlaşdırılır.
Stomatologiyada yeniliklərə əlavə olaraq, ağız boşluğunun yaxşı gigiyenası haqqında xatırlatma aktual olaraq qalır. Diş baxımına daxildir:
* Gündə iki dəfə floridli diş pastası və yumşaq fırça ilə fırçalayın.
* Dişlərinizin bütün səthlərini hərtərəfli təmizləmək üçün hər seansda ən azı iki dəqiqə vaxt ayırın.
* Dişlər arasındakı qida qalıqlarını təmizləmək üçün diş ipindən istifadə etmək.
* Diş ətləri boyunca lövhəni çıxarmağa kömək edən Bass metodu kimi bir fırçalama texnikasından istifadə edin.
Bu sadə qaydalar, yenilərinin böyüməsi üçün tibbi həllər mövcud olana qədər diş sağlamlığını qorumağa kömək edəcəkdir.
