Belarusun hazırkı Prezidenti Aleksandr Lukaşenko ölkədə keçiriləcək növbəti prezident seçkilərində namizəd kimi qeydə alınıb.
“Qafqazinfo” xəbər verir ki, bu barədə Belarus Mərkəzi Seçki Komissiyası məlumat yayıb.
O qalib gələrsə, bununla da yeddinci dəfə ölkəyə rəhbərlik etmiş olacaq.
Qeyd edək ki, 2025-ci il yanvarın 26-sı baş tutacaq seçkilərdə prezidentlik postu uğrunda 9 nəfər mübarizə aparacaq.
Onu da bildirək ki, Belarusda dövlət başçısı 5 il müddətinə seçilir. Respublikada sonuncu prezident seçkiləri 2020-ci il avqustun 9-da keçirilib. Bu zaman hazırkı Prezident Aleksandr Lukaşenko 80,1 faiz səslə qalib gəlib. Onun müxalifətdən olan rəqibi Svetlana Tixanovskaya isə 10 faiz səs toplayıb.
