Çempionlar Liqasında əsas mərhələnin 6-cı turunun ən yaxşı oyunçusu müəyyənləşib. Bu ada Bukayo Saka layiq görülüb.
“Arsenal”ın yarımmüdafiəçisi həftənin ən yaxşı futbolçusu adına digər namizədləri - “Bavariya”nın xavbeki Maykl Olise, “Atletiko”nun hücumçusu Antuan Qrizmann və “Brest”in qapıçısı Marko Bizotu arxada qoyub. Qalib UEFA-nın saytında keçirilən sorğu nəticəsində məlum olacaq.
Xatırladaq ki, Saka “Monako” ilə matçda komandasının 3:0 hesablı qələbəsində iki qol və bir məhsuldar ötürmə ilə rol oynamışdı.
