İyun ayında keçirilmiş 6 milyard dollarlıq investisiya turundan sonra İlon Maskın süni intellekt şirkəti olan "xAI" 97 fərqli investordan daha 6 milyard dollar cəlb edib.
Valyuta.Az xəbər verir ki, "Andreessen Horowitz", "Blackrock", "Fidelity", "Kingdom Holdings", "Lightspeed", "MGX", "Morgan Stanley", "OIA", "QIA", "Sequoia Capital", "Valor Equity Partners", "Vy Capital", "Nvidia" və "AMD" kimi şirkətlər bu investisiya turunda iştirak ediblər. Yeni cəlb olunan vəsait, bu ilin yazında "xAI" tərəfindən toplanmış 6 milyard dollarlıq kapitala əlavə edilib. "Financial Times"ın məlumatına görə, bu turda yalnız əvvəlki investisiya mərhələsində iştirak edən investorlar yer alıb.
Mask keçən il "xAI" şirkətini təsis edib. Şirkət qısa müddət sonra artıq "X" platformasında təqdim olunan bir sıra funksiyaları dəstəkləyən, qabaqcıl istehsalçı süni intellekt modeli olan "Grok"u istifadəyə verib. Bu modelə "X Premium" abunəçiləri və bəzi bölgələrdə pulsuz istifadəçilər daxil olmaqla müxtəlif qruplar çıxış əldə ediblər.
Qeyd edək ki, Mask, "ChatGPT" və digər süni intellekt sistemlərini həddindən artıq "oyanıq" və siyasi baxımdan həssas olmaqda tənqid edərək, "Grok"un "maksimum dəqiqlik axtarışında" olduğunu və rəqib modellərdən daha az qərəzli işlədiyini iddia edir. "xAI" hazırda "Grok"un imkanlarını daha sürətli və effektiv etmək üçün inkişaf işlərini davam etdirir.
Rəhim
