"iOS" əməliyyat sistemində "WhatsApp" istifadəçiləri üçün daha bir yenilik təqdim olunub. Artıq proqramda sənədləri skan etmək mümkün olacaq.
Ölkə.az baku.ws-ə istinadən xəbər verir ki, bu yenilik haqqında məlumatı "WABetaInfo" portalı yayıb.
Funksiyanın köməyi ilə istifadəçilər cihazın kamerasını istifadə edərək sənədləri rahatlıqla skan edə və onları dərhal fərdi və ya qrup söhbətlərinə göndərə biləcəklər.
Qeyd edək ki, bu funksiya proqramın yenilənməsindən sonra yaxın günlərdə daha çox istifadəçi üçün əlçatan olacaq.
