Bakı,TurkicWorld
Ankara Respublika Baş Prokurorluğu tərəfindən FETÖ-nün Hərbi Hava Qüvvələri Komandanlığındakı strukturu ilə bağlı istintaq çərçivəsində saxlanılan 12 şübhəlidən 7-si həbs edilib.
TurkicWorld xəbər verir ki, Terror Cinayətləri İstintaq Bürosu tərəfindən Hərbi Hava Qüvvələri Komandanlığında FETÖ-nün gizli təşkilatı olduğu müəyyən edilən şəxslər haqqında aparılan araşdırmalar nəticəsində şübhəlilərin polis bölməsindəki prosedurları tamamlanıb.
Sağlamlıq yoxlamasından sonra ədliyyəyə gətirilən şübhəlilər dövlət ittihamçılarına ifadə veriblər. Onlardan ikisi tövbə müddəasından faydalanaraq təşkilata bağlı olduqlarını bildikləri şəxsləri müəyyən etmək niyyətində olduqlarını ifadə edərək etirafçı olublar.
Növbətçi Sülh Cinayət Hakimliyinə göndərilən şübhəlilər arasında növbətçi mayor da daxil olmaqla 7 nəfər həbs edilib. Digər 5 nəfər isə məhkəmə nəzarəti şərti ilə sərbəst buraxılıb.
Dekabrın 17-də Ankara Respublika Baş Prokurorluğunun Terror Cinayətləri İstintaq Bürosu FETÖ-nün Hərbi Hava Qüvvələri Komandanlığında gizli təşkilat təşkil etdiyi iddiası ilə 17 şübhəli barəsində həbs qərarı çıxarıb. Bu şəxslərdən 12-si Ankara Təhlükəsizlik Müdirliyi qrupları tərəfindən saxlanılıb.
