YouTube-da Spud Fit adından istifadə edən sosial media fenomeni Endryu Flinders Taylor həyatını dəyişmək üçün 2016-cı ildə yalnız kartofdan ibarət radikal pəhrizə riayət etmək qərarına gəlib.
Medianews.az “NTV”yə istinadən xəbər verir ki, 2019-cu ildə verdiyi müsahibədə Taylor bu pəhrizi xüsusi olaraq özü üçün hazırladığını söyləyib.
Endryu şirin kartof da daxil olmaqla hər cür kartof yeyir və qurudulmuş otlar və ya yağsız souslar əlavə edirdi. Daha kremli bir püresi üçün yağsız soya südü əlavə edirdi. O, kartof miqdarında özünü məhdudlaşdırmırdı. Endryu, həmçinin pəhrizini B12 vitamini ilə tamamlayırdı. Endryu 144 kilo ilə pəhrizə başladıqdan sonra bir il ərzində 50 kilo arıqlayıb.
Pəhrizinin ilk ayında heç bir məşq etmədən 22 kilo arıqlayıb, lakin sonra gündəlik iş rejiminə 90 dəqiqəlik məşq əlavə edib. Pəhrizin digər nəticələrinə aşağı xolesterol, qan təzyiqi və şəkər səviyyələri daxildir.
Endryu insanları hər hansı bir pəhrizə başlayanda mütləq onu araşdırmağa, öz orqanizminə uyğun olub-olmamasını diqqət yetirməyə və böyük risklər etməməyə çağırıb.
